Zaqatalada 12 ton ot bağlaması və bir baş iribuynuzlu heyvan yanıb.
Lent.az-ın APA-ya istinadla məlumatına görə, rayonun Lahıc kəndində, kənd sakini Habil Məhəmməd oğlu Bayramovun yaşadığı evin həyətyanı sahəsində tikilmiş ümumi sahəsi 120 kv/m olan mal tövləsində yanğın baş verib. Yanğının söndürülməsi üçün əraziyə Fövqaladə Hallar Nazirliyinin (FHN) Zaqtala rayon Dövlət Yanğından Mühafizə Hissəsinin texnikaları və şəxsi heyətləri cəlb edilib. Yanğın nəticəsində tövlənin yanar konstruksiyaları, tövlənin çardağına yığılmış 12 ton quru ot bağlaması yanıb, bir baş iribuynuzli heyvan isə tələf olub. Yaxınlıqdakı digər tikililər yanğından mühafizə olunub.
Yanğın zamanı xəsarət alan olmayıb. Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
