Zərdab sakini Rusiyada öldürülüb

Zərdab rayon sakini Rusiyada öldürülüb.

APA-nın yerli bürosunun rayon sakinlərindən aldığı məlumatına görə, hadisə bu ilin mayın 4 - də, Moskva şəhəri yaxınlığındakı restoranlardan birində baş verib.

Orada gözətçi işləyən Zərdab rayon sakini 1981 – ci il təvəllüdlü Eminov Cahangir Rövşən oğlu güllələnərək, öldürülüb.

Məlumata görə, 2 qrup arasında baş verən silahlı insident zamanı C. Eminov baş və bədən nahiyəsindən bir neçə güllə yarası alıb və hadisə yerində dünyasını dəyişib.

Mərhum bu gün doğulduğu rayonun Körpükənd kəndində torpağa tapşırılıb.