Zaqatalada ev yanıb
21 dekabr 2014 03:10 (UTC +04:00)

Zaqatalada ev yanıb

Zaqatalada fərdi yaşayış evində yanğın olub. Fövqaladə Hallar Nazirliyinin (FHN) Zaqatala rayon Dövlət Yanğından Mühafizə Hissəsindən APA-nın Şəki-Zaqatala bürosuna verilən məlumata görə, yanğın dekabrın 20-si axşam saatlarında rayonun Əliabad qəsəbəsində, Rövşən Mövlud oğlu Musayevə məxsus, ümumi sahəsi 200 kv/m olan ikimərtəbəli fərdi yaşayış evinin ikinci mərtəbəsinin tavan hissəsində baş verib.
 
Hadisə yerinə FHN-nin Zaqatala rayon DYMH-nin texnikası və canlı qüvvəsi cəlb edilib. Yanğınsöndürənlərin səyi nəticəsində yanğın qısa müddət ərzində məhdudlaşıb. Yanğın nəticəsində evin ikinci mərtəbəsinin tavan hissəsindən 10 kv/m sahə yanaraq yararsız hala düşüb. Yanğın zamanı xəsarət alan olmayıb.
 
 Faktla bağlı FHN-nin Zaqatala rayon DYMH-də araşdırma aparılır.
# 34
avatar

Oxşar yazılar