Azərbaycanda bələdiyyə binasında YANĞIN

Zaqatalanın Maqov kəndində mədəniyyət evi və yerli bələdiyyə orqanının yerləşdiyi binada yanğın baş verib. Lent.az-ın anspress-ə istinadən məlumatına görə, yanğın səhər saatlarında başlayıb. İlkin ehtimala görə, hadisə binada elektrik naqilində qısa qapanma səbəbindən baş verib.

Hadisə yerinə 3 yanğınsöndürən maşını cəlb edilib. Yanğınsöndürənlərdən biri hadisəyə müdaxilə edərkən xəsarət alıb. Hazırda dam örtüyü sındırılaraq binaya girməyə və yanğına müdaxilə etməyə çalışılır.

Yanğın nəzarət altına alınıb.