“YouTube”da Göyçay rayonunda yol polisi əməkdaşının açıq-aşkar rüşvət almasını əks etdirən video yerləşdirilib. Lent.az-ın məlumatın görə, videodan məlum olur ki, sərxoş vəziyyətdə olan şəxs avtomobili idarə edərkən yol-hərəkət qaydalarını kobud şəkildə pozub və polis tərəfindən saxlanılıb.
Daha sonra yol polisi postuna gətirilən şəxs burada gizli çəkiliş edib və yol polisinə necə pul verdiyini lentə alıb. Videoda yol polisinin vətəndaşdan aşkar şəkildə 500 manat tələb etməsi, 200 manat alması kimi qalmaqallı məqamlar var.