Əgər it ayaqqabıları korlayırsa, nə etmək olar? – Məsləhətlər

İtlərin çoxu ayaqqabılarla oynamağı sevir. Ancaq bu ayaqqabıya zərər verə və əlavə xərcə səbəb ola bilər. Buna görə də hər bir sahib ev heyvanını bu asılılıqdan necə ayıracağını bilməlidir.

Lent.az xəbər verir ki, ediləcək ilk şey səbəbləri anlamaqdır. Bu davranışa təklik qorxusu, sağlamlıq problemləri və ya fiziki fəaliyyətin olmaması səbəb ola bilər.

Problemin əsas mənbəyini müəyyən etdikdən sonra itinizi ayaqqabı gəzdirmək vərdişindən uzaqlaşdırmağa başlaya bilərsiniz. Bunlar aşağıdakılardır.

Aktiv gəzintilər

Çox vaxt it evdə tək qalanda ayaqqabı və başmaq ilə oynamağa başlayır və bunu cansıxıcılıqdan edir. Bunun baş verməməsi üçün ev heyvanınıza evdən çıxmazdan əvvəl aktiv şəkildə kənarda vaxt keçirmək imkanı verməlisiniz.

Bu, heyvanın enerji sərf etməsinə və siz getdikdən sonra əşyalarla oynamamasına kömək edəcək. Evə qayıtdığınız zaman isə ona yemək verməyi unutmayın. Çünki yaxşı bəslənmiş və yorğun it əşyaları korlamaz.

Gülməli oyuncaqlar

Yaşından asılı olmayaraq, itin çeynəyə, sındıra, cırlaya biləcəyi bir neçə oyuncaq olmalıdır. Ev heyvanınızı oyuncaqlarla oynamağa alışdırmaq üçün onunla oyun oynayın və ya əşyalar uğrunda yarışın. İt başa düşməlidir ki, bu oyuncaqlarla ürəyi istədiyi hər şeyi edə bilər.

Həm də itiniz üçün vaxtaşırı yeni maraqlı oyuncaqlar almağı unutmayın.

Mövcudluq effekti

Köpəyin qadağan olunmuş davranış ilə məşğul olmasının qarşısını almaq üçün sahibinin olması illüziyasını yarada bilərsiniz. Bunu etmək üçün televizoru və ya radionu açıq buraxın.