Xəstəxananın qarşısında bibisi oğlu tərəfindən bıçaqlandı - YENİLƏNİB

Gəncədə bıçaqlanma hadisəsi baş verib. APA-nın qərb bürosunun verdiyi məlumata görə, hadisə sentyabrın 8-də Gəncə şəhər Təcili Tibbi Yardım xəstəxanasının qarşısında qeydə alınıb. Şəhər sakini, 1983-cü il təvəllüdlü Ramin Alim oğlu Zamanov tibb ocağının qarşısında qarın nahiyəsində bıçaqlanıb. Yaralı dərhal xəstəxananın cərrahiyyə şöbəsinə çatdırılıb və əməliyyat edilib. Yaralının vəziyyətinin ağır olduğu bildirilir.

Məlumata görə R. Zamanov bibisi oğlu Elmir Əsgərov tərəfindən bıçaqlanıb.

İnsidentin pul borcu səbəbindən baş verdiyi bildirilir.

Faktla bağlı Gəncə şəhər Baş Polis İdarəsində araşdırma aparılır.

***** 00.25

Gəncədə bıçaqlanma hadisəsi baş verib. APA-nın qərb bürosunun verdiyi məlumata görə hadisə sentyabrın 8-də Gəncə şəhər Təcili Tibbi Yardım xəstəxanasının qarşısında qeydə alınıb. Şəhər sakini, Ramin Alim oğlu Zamanov tibb ocağının qarşısında qarın nahiyəsində bıçaqlanıb. Yaralı dərhal xəstəxananın cərrahiyyə şöbəsinə çatdırılıb və əməliyyat edilib. Yaralının vəziyyətinin orta ağır olduğu bildirilir. Məlumata görə, R.Zamanov bibisi nəvəsi tərəfindən bıçaqlanıb.

Faktla bağlı Gəncə şəhər Baş Polis İdarəsində araşdırma aparılır.