Tovuz rayonunun Alakol kəndi ərazisində ölümlə nəticələnən yol-nəqliyyat qəzası baş verib. Tovuz rayon Polis Şöbəsindən APA-nın qərb bürosuna verilən məlumata görə, hadisə axşam saatlarında rayon mərkəzi ilə Alakol kəndini birləşdirən yolda qeydə alınıb. Toydan qayıdan kənd sakini, 1978-ci il təvəllüdlü Ramin Sadıqovun idarə etdiyi “VAZ 2107” markalı avtomobillə, 1960-cı il təvəllüdlü Bayram Əhmədovun idarə etdiyi “VAZ 21011” markalı avtomobil toqquşub. Hadisə zamanı xəsarət alan sürücülər dərhal Mərkəzi Rayon Xəstəxanasına yerləşdiriliblər. Həkimlərin səyinə baxmayaraq 54 yaşlı B. Əhmədov orada dünyasını dəyişib. Digər sürücü R. Sadıqovun vəziyyətinin orta-ağır olduğu bildirilir.
Tovuz rayon Polis Şöbəsindən bildirilib ki, sürücülər toydan qayıtdıqları üçün onların sərxoş olduqları, qəzanın bu səbəbdən baş verdiyi ehtimal edilir. Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
