Yevlaxda bayram günü qonşular arasındakı yeyib-içmək məclisi faciə ilə nəticələnib. Lent.az-ın əldə etdiyi məlumata görə, hadisə martın 20-də rayonun Yuxarı Salamabad kəndində baş verib.
Sərxoş vəziyyətdə olan qonşular arasında mübahisə yaranıb. Əvvəllər məhkum olunmuş Mahir Paşayev qonşusu əvvəllər məhkum olunmuş Xəyal Yusifovu təhqir edib. Qonşusunun ağır söyüşlərinə dözə bilməyən X.Yusifov bıçağa əl atıb.
Fiziki cəhətdən Xəyaldan güclü olan Mahir ondan cəld tərpənib və onun əlindəki bıçağı alaraq Xəyalın bud nahiyəsinə zərbə yetirəndən sonra hadisə yerindən qaçıb.
X. Yusifov Xəstəxanaya aparılarkən yolda qanaxmadan həyatını itirib. M. Paşayev isə Yevlax RPŞ əməkdaşlarının keçirdikləri əməliyyat tədbirləri nəticəsində isti izlərlə saxlanılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
