Səbaildə hərbi-vətənpərvərlik mövzusunda tədbir keçirilib

Səbail rayonunda "Heydər Əliyev Azərbaycan Silahlı Qüvvələrinin yaradıcısı və qurucusudur" mövzusunda tədbir keçirilib. Səbail RİH-dən Lent.az-a verilən məlumata görə, növbəti belə tədbir Respublika Veteran Təşkilatları Şurası və Azərbaycan Vətən Mühəribəsi Veteranları Birliyi Səbail rayon təşkilatı ilə birgə rayondakı 132-134 saylı Təhsil Kompleksində baş tutub.

Ehtiyatda olan bir qrup yüksək rütbəli hərbiçilərin, müharibə və əmək veteranlarının, orta məktəb şagirdələrinin iştirakı ilə keçirlən tədbiri açıq elan edən Səbail rayon İcra Hakimiyyəti başçısının müavini Eldar Ağayev müstəqil Azərbaycanın öz ordusunun yaradılması və möhkəmləndirilməsi istiqamətində Heydər Əliyevin gördüyü işlərdən söhbət açıb.

Toplaşanlar qarşısında çıxış edən Respublika Veteran Təşkilatları Şurasının sədri, general-mayor Dadaş Rzayev, Əfqanıstan və Qarabağ veteranı, general-mayor Məmmədhüseyn Sarıyev, Səbail rayon Veteran Təşkilatları Şurasının sədri, Sosialist Əməyi Qəhrəman Ömər Ağayev, Böyük Vətən Müharibəsi iştirakçısıları 95 yaşlı Bəkir Məmmədov və Adilə Ağakişiyeva, ehtiyatda olan polkovnik, Qarabağ veteranı, Respublika Veteran Təşkilatları Şurası rəyasət heyətinin üzvü Həsən Əmirov müasir Azərbaycan Ordusunun yaradılması və möhkəmləndirilməsi, onun kadr potensialının yetişdirilməsi və təkmilləşdirilməsi istiqamətində Heydər Əliyevin gördüyü işlərdən söhbət açıblar.

Qonaqlar şagirdlərin çoxsaylı suallarını cavablandırıb, təhsildə və ictimai həyatda fərqlənən bir qrup 11-ci sinif şagirdi Respublika Veteran Təşkilatları Şurasının Fəxri Fərmanları ilə təltif olunub.

Tədbirin sonunda Təhsil Kompleksinin şagirdləri konsert proqramı ilə çixış ediblər.