Yanvarın 7-də Cəlilabad rayonunda bıçaqlanma hadisəsi baş verib. Rayon Polis Şöbəsindən Lent.az-a verilən məlumata görə, Cəlilabad şəhərinin Həzi Aslanov küçəsindən 40 yaşlı Rasim Əliyev və 38 yaşlı Azər Bağırov bıçaq xəsarətləri ilə xəstəxanaya yerləşdirilib.
Araşdırmalar nəticəsində məlum olub ki, hər iki şəxs bir-birini bıçaqlayıb. Məlumata görə, hər iki şəxsin idarə etdiyi avtomobillər elə həmin küçədə toqquşub, maşınlar az ziyan dəysə də, sürücülər məsələni aydınlaşdıra bilməyiblər. Əsəblərinə hakim ola bilməyən A.Bağırov həmyerlisini bıçaqlayıb. R.Əliyev də öz növbəsində ona bıçaqla xəsarətlər yetirib. Yaralılardan R.Əliyevin xəsarəti daha ağır olub. Döş qəfəsinin daxilə nüfuz edən xəsarəti ilə reanimasiyaya yerləşdirilən sürücünün vəziyyəti ağırdır.
Qeyd edək ki, R.Əliyev qəssab, A.Bağırov isə taksi sürücüsüdür.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
