Bu gün Bakı Ağır Cinayətlər Məhkəməsində qəsdən sağlamlığa ağır zərbə vurmaqda təqsirli bilinən 1986-cı il təvəllüdlü Elçin Məmmədovun cinayət işi üzrə məhkəmə prosesi başa çatıb. Lent.az-ın məlumatına görə, hakim Əfqan Hacıyevin sədrliyi ilə keçirilən prosesdə hökm oxunub. Hakimlər kollegiyası Cinayət Məcəlləsinin 70-ci maddəsi rəhbər tutularaq E.Məmmədova şərti cəza verib. O, məhkəmə zalından azadlığa buraxılıb.
Qeyd edək ki, hadisə keçən il oktyabrın 19-da Z.Bünyadov prospektində yerləşən kafedə qeydə alınıb. Naməlum şəxs Bakı şəhər sakini, 1989-cu il təvəllüdlü Rəşadət Qasımova bıçaq xəsarəti yetirib.
Nərimanov Rayon Polis İdarəsinin 17-ci Polis Bölməsi əməkdaşlarının keçirdiyi əməliyyat tədbirləri nəticəsində cinayətdə şübhəli bilinən Tərtər rayon sakini, 1986-cı il təvəllüdlü Elçin Məmmədov tutulub.
Faktla bağlı Cinayət Məcəlləsinin 126-cı( qəsdən sağlamlığa ağır zərbə vurma) maddəsi cinayət işi başlanılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
