Bakının Nərimanov rayonunda qəza baş verib.
APA-nın xəbərinə görə, qəza Koroğlu Rəhimov küçəsində qeydə alınıb.
Hadisə nəticəsində Əliyev Samir Nasir oğlunun idarə etdiyi "VAZ 21099" markalı avtomobillə Əliyev Orxan Bayram oğlunun idarə etdiyi "Mitsubishi " toqquşub. Qəzada sürücülər xəsarət almasa da, avtomobillərə ciddi ziyan dəyib.
Hadisə yerinə Dövlət Yol Polisinin Nərimanov Rayon Şöbəsinin əməkdaşları gəliblər. İlkin araşdırmalar nəticəsində məlum olub ki, qəza "Mitsubishi"nin sürücüsü Əliyev Orxanın günahı ucbatından baş verib. O dönmə əməliyyatını yerinə yetirən Əliyev Samirin idarə etdiyi "VAZ 21099" avtomobilini arxadan vurub.
Faktla bağlı Dövlət Yol Polisinin Nərimanov Rayon Şöbəsində araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
