Məhkəmə oğurluqda təqsirləndirilən şəxslərin işinə xitam verdi

Oğurluqda təqsirləndirilən 2002-ci təvəllüdlü Nail və Söhbət Bəkirov, 1996-cı il təvəllüdlü Ərşad Mahmudov və 1993-cü il təvəllüdlü Sərxan Əsədullayevin cinayət işi üzrə məhkəmə başlayıb.

Lent.az-ın məlumatına görə, Bakı Ağır Cinayətlər Məhkəməsinin hakim Faiq Qəniyevin sədrliyi ilə məhkəmənin hazırlıq iclası baş tutub. Təqsirləndirilən şəxslərin anket məlumatları dəqiqləşdirilib. Hakim Faiq Qəniyev bildirib ki, cinayət işinin istintaqı zamanı təqsirləndirilən şəxslərin müdafiə hüququ kobud şəkildə pozulub. Həmiçinin cinayət işində kobud qanun pozuntuları olduğundan işin baxılmasına xitam verilib və cinayət işi ibtidai istintaqa qaytarılıb.

İki müstəntiq və bir tədqiqatçı barəsində xüsusi qərar çıxarılıb.

Qeyd edək ki, həmin şəxslər Bakı şəhər ərazisində müxtəlif yerlərdə oğurluq ediblər. Onlara Cinayət Məcəlləsinin 177-ci(oğurluq) maddəsi ilə ittiham verilib.

Onu da qeyd edək ki, saxlanılan şəxslər qaraçı millətinin nümayəndəsidir.