Maşınla 14 yaşlı oğlanı vurub qaçdı

Göygöldə piyadanı avtomobil vurub.

APA-nın qərb bürosunun verdiyi məlumata görə hadisə rayonun Hacıməlik kəndində qeydə alınıb.

Kənd sakini, 2002-ci il təvəllüdlü Aslan Tağıyev yolu keçən zaman markası və sürücüsü məlum olmayan avtomobil tərəfindən vurulub. Hadisəni törədən sürücü avtomobillə qəza yerindən qaçıb. Müxtəlif bədən xəsarətləri alan 14 yaşlı oğlan Gəncə şəhər Təcili Tibbi Yardım xəstəxanasına yerləşdirilib. Vəziyyətinin orta ağır olduğu bildirilir.

Faktla bağlı hüquq mühafizə orqanları tərəfindən araşdırma aparılır.