Lombarda saxta qızıl qələm qoyan qadın məhkəmədən azadlığa buraxıldı

Bu gün Bakı Ağır Cinayətlər Məhkəməsində dələduzluqda təqsirləndirilən Aynurə Əhmədovanın cinayət işi üzrə məhkəmə yekunlaşıb. Lent.az-ın məlumatına görə, hakim Əfqan Hacıyevin sədrliyi ilə keçirilən prosesdə hökm oxunub. Hakimlər kollegiyasının hökmünə əsasən, Aynurə Əhmədovaya Cinayət Məcəlləsinin 70-ci maddəsini nəzərə alaraq, 2 il müddətinə şərti azadlıqdan məhrumetmə cəzasına məhkum edilib.

Qeyd edək ki, Aynurə Əhmədova lombarda saxta qızıl qoyub. O, oranın işçisi Orxan Abdullayevlə əlbir olaraq, saxta qızıl qələm qoyaraq külli miqdarda dələduzluq edib. Polis əməkdaşlarının əməliyyat-axtarış tədbirləri nəticəsində Orxan Abdullayev saxlanılıb. Aynurə Əhmədova istintaq gizlənib. Buna görə bu cinayət ayrı-ayrı icraata verilib. Lombarda dəyən zərər maddi zərər isə tamamilə ödənilib.