İspaniyanın “Barselona” klubunun futbolçusu Lionel Messi dünyanın digər dahi idmançıları ilə eyniləşdirilməsinə qarşı çıxıb. Lent.az-ın məlumatına görə, argentinalı hücumçu müqayisəni sevmədiyini açıqlayıb. O deyib: “Məhəmməd Əli, Maykl Cordan və ya Useyn Boltla bir tərəziyə qoyulduğumu eşitdikdə bunun ağılsızlıq olduğunu anlayıram. Müqayisəni sevmirəm. Mən kiməm ki, özümü kiminləsə müqayisə edim? Sadəcə, öz işimi görürəm. Bu işi nə qədər yaxşı gördüyümü karyeramı başa vurduqdan sonra nəzərdən keçirəcəyəm”.
Messi ən əsas tənqidçisini qismində də məhz özünün adını çəkib. Onun sözlərinə görə, nə zaman doğru iş gördüyünü və nəyi pis etdiyini bilir.
Qeyd edək ki, Lionel Messi bu yaxınlarda ardıcıl 4-cü dəfə dünyanın ən yaxşı futbolçusu seçilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
