Sərnişin avtobusunda narkotik maddə aşkar olunub.
Dövlət Gömrük Komitəsindən Lent.az- a verilən məlumata görə, Biləsuvar Gömrük İdarəsinin “Qoşa Təpə” gömrük postunda İrandan Azərbaycana gələn İran vətəndaşının idarə etdiyi “Scania” markalı sərnişin avtobusundakı yüklərə rentgen qurğusuyla baxış keçirilib.
Baxış zamanı avtobusun yük yerindən boşaldılan üzəri dəri örtüklü yastığın içərisindəki parça və sellofan kəsiklərinin arasında kürə formalı 1ədəd kütlə aşkar olunub. Həmin kütlə açıldıqda isə içərisində üzəri toz halında istiotla örtülü daha bir kürə formalı bükümdə, xalis çəkisi 495,00 qram olan narkotik vasitə - tiryək aşkar edilib.
Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
