İntiqam Əliyevin vəkilləri müdafiə nitqi söyləyib

Bu gün Bakı Ağır Cinayətlər Məhkəməsində həbsdə olan hüquq müdafiəçisi İntiqam Əliyevin cinayət işi üzrə məhkəmə prosesi davam edib. Lent.az-ın məlumatına görə, hakim Rasim Sadıqovun sədrliyi ilə keçirilən prosesdə təqsirləndirilən şəxsin vəkilləri Şəhla Hümbətova, Cavad Cavadlı, Elçin Sadıqov, Fəxrəddin Mehdiyev çıxış ediblər. Onlar müdafiə etdikləri şəxsin günahsız həbs olunduğu, hər hansı cinayət əməli törətmədiyini bilidiriblər.

Vəkillər İntiqam Əliyev barəsində bəraət hökmünün çıxarılmasını tələb ediblər.

Məhkəmə prosesi sabah davam edəcək.

Qeyd edək ki, İ. Əliyev Cinayət Məcəlləsinin 213.1-ci (vergidən yayınma), 308.2-ci (vəzifə səlahiyyətlərindən sui-istifadə etmə) , 192.2-ci (qanunsuz sahibkarlıq) və 179.3.2-ci (mənimsəmə və ya israf etmə) maddələri ilə təqsirli bilinir.