İmişli şəhərində dönərxanada yanğın olub.
APA-nın FHN-in saytına istinadən verdiyi məlumata görə, İmişli şəhərində bazarın ərazisində ümumi sahəsi 45 kv.m olan lambirdən ibarət dönərxana 3 kv.m sahədə yanıb.
Dönərxananın qalan hissəsi yanğından mühafizə olunub. Yanğın yanğınsöndürənlər tərəfindən söndürülüb.
Şəkinin Qızılarx kəndində isə Məmmədov Məzahir Zakir oğlunun yaşadığı evin həyətyanı sahəsində yığılmış ot tayasına od düşüb.
Hadisə yerinə Şəki rayon DYMH-nin texnikası və canlı qüvvəsi cəlb edilib.
Yanğın nəticəsində 1000-dək ot bağlaması yanaraq yararsız hala düşüb. Alovun həyətyanı sahədəki tikililərə keçməsinin qarşısı alınıb, yanğın söndürülüb.
Faktla bağlı FHN-nın Şəki rayon DYMH-də araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
