İki avtobus toqquşdu:4 yaralı - YENİLƏNİB - 2

Quba yolunda iki avtobus və bir mikroavtobusun iştirakı ilə baş vermiş zəncirvari qəza nəticəsində 4 nəfər yaralanıb.

Bakı-Quba yolunda iki avtobus və bir mikroavtobusun iştirakı ilə baş vermiş zəncirvari qəza nəticəsində 4 nəfər yaralanıb. Bu barədə APA TV-yə Dövlət Yol Polisi İdarəsinin istintaq və təhqiqat şöbəsinin müstəntiqi Vaqif Nəcəfov məlumat verib. Onlardan biri "Hyundai" markalı avtobusun sürücüsü, digərləri isə həmin avtobusun sərnişinləridir. Xəsarət alanlardan 3-ü Sumqayıt şəhərində xəstəxanaya yerləşdirilib. Onlardan biri əməliyyat olunub. Xəsarət alanlar arasında bir gizir də var. O, hərbi hospitala aparılıb.

***

21.43

İki avtobus və bir mikroavtobusun iştirakı ilə zəncirvari qəza baş verib, yaralananlar var.

APA-nın verdiyi xəbərə görə, Bakı-Quba avtomobil magistralında, Ceyranbatan qəsəbəsi yaxınlığında, 90 JD 969 dövlət qeydiyyat nömrәli “Hyundai” markalı avtobus, 90 NL 069 nömrәli “Mercedes” markalı avtobus vә 90 BN 037 nömrәli “Ford” markalı mikroavtobus toqquşub. Qəza nəticəsində bir neçә nәfәr xәsarәt alıb, yaralılardan 2-i xәstәxanaya aparılıb. “Hyundai” markalı avtobus Sumqayıta sәrnişin daşıyırmış.

Hadisə şahidlərinin sözlərinə görə, qəzaya səbəb “Ford” markalı minik avtomobili olub. Yol polisi “Ford” markalı minik avtomobilini təqib edərkən, sonuncusu qəza şəraiti yaradıb. Nəticədə, “Ford” markalı mikroavtobus qəfil dayanmağa məcbur olub. Bu zaman arxadan gələn “Mercedes” markalı avtobusun “Ford” markalı mikroavtobusla, “Hyundai” markalı avtobusun isə “Mercedes”lə toqquşması nəticəsində zəncirvari qəza baş verib.

Faktla bağlı araşdırma aparılır. Hadisə yerində olan Baş Dövlət Yol Polisi İdarəsinin müstəntiqi APA-nın müxbirinə bildirib ki, qəzanın səbəbləri və yol polisinin “Ford” markalı minik avtomobili təqib etməsi xəbəri araşdırılır.

****

21.19

Bu gün Azərbaycanda mikroavtobus qəza törədib.

Baş Dövlət Yol Polis İdarəsindən APA-ya verilən məlumata görə, yol nəqliyyat hadisəsi Bakı-Quba avtomobil magistralında, Saray Yol Polisi Postunun yaxınlığında qeydə alınıb. Qəza nəticəsində «Hyundai» və «Mercedes» markalı iki mikroavtobus toqquşub. Hadisə nəticəsində 3 sərnişin xəsarət alıb.

İdarədən həmçinin bildiriblər ki, qəza zamanı yolda nəqliyyatın hərəkəti çətinləşib. Ərazidə olan yol polisləri nəqliyyatın hərəkətini artıq tam bərpa ediblər.