Novxanı qəsəbəsində iki avtomobilin toqquşması nəticəsində bir nəfər ağır xəsarət alıb. APA-nın Fövqəladə Hallar Nazirliyinin rəsmi saytına istinadən verdiyi xəbərə görə, yanvarın 17-dən 18-nə keçən gecə Abşeron rayonunun Novxanı qəsəbəsində "VAZ 21011" və "VAZ 21015" markalı iki minik avtomobili toqquşub. Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunub. Qəza nəticəsində hər iki avtomobil deformasiyaya uğrayıb, "VAZ 21015" markalı avtomobilin sürücüsü xəsarət alıb. Xilasedicilər xüsusi alət və avadanlıqlar vasitəsilə deformasiyaya uğramış avtomobildə sıxılmış vəziyyətdə qalmış sürücünü çıxararaq aidiyyəti üzrə təhvil veriblər. Həmçinin ərazidə müvafiq təhlükəsizlik tədbirləri görülüb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
