Şamaxı rayonunda intihar hadisəsi baş verib. APA-nın məlumatına görə, hadisə bu gün saat 13:00 radələrində rayonun Quşçu kəndində qeydə alınıb. Kənd sakini, 1962-ci il təvəllüdlü Şeydayev Gülhəsən Şirin oğlu ailə münaqişəsi zəminində həyat yoldaşı, 1965-ci il təvəllüdlü Şeydayeva Pakizə Məmməd qızını döyərək ona küt alətlə ağır bədən xəsarətləri yetirib. Gülhəsən Şeydayev həyat yoldaşının aldığı xəsarətlərdən öldüyünü zənn edərək ov tüfəngi ilə özünü güllələyib. O, ürək nahiyəsindən aldığı yaradan dünyasını dəyişib, iki uşaq anası Pakizə Şeydayeva isə ağır vəziyyətdə Şamaxı rayon Mərkəzi Xəstəxanasına yerləşdirilib.
Hüquq-mühafizə orqanlarının əməkdaşları hadisə yerinə gedib. Faktla bağlı Şamaxı rayon Prokurorluğu tərəfindən cinayət işi açılıb, araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
