Bakı Apellyasiya Məhkəməsində Hərbi Dəniz Qüvvələrinin (HDQ) ehtiyatda olan polkovniki Qasım Quliyevin apellyasiya şikayətinə baxılıb. APA-nın məlumatına görə, məhkəmə apellyasiya şikayətini təmin etməyib.
Qeyd edək ki, Q.Quliyev bir neçə gün əvvəl həbs edilib. Cinayət Məcəlləsinin 311-ci (rüşvət alma) maddəsi ilə təqsirləndirilən Q.Quliyevin barəsində Bakı Hərbi Məhkəməsi 3 ay müddətinə həbs-qətimkan tədbiri seçib. Apellyasiya şikayəti həmin qərardan verilib.
I dərəcəli kapitan (polkovnik) Qasım Quliyev uzun müddət HDQ Naviqasiya və kartoqrafiya şöbəsinin rəisi vəzifəsində çalışıb. O, "Hərbi xidmətkeçmə haqqında" Əsasnamənin 156-cı maddəsinin "b" bəndinə əsasən, yaş həddinə görə 23 avqust 2013-cü il tarixində Silahlı Qüvvələr sıralarından ehtiyata buraxılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
