Gülər Əhmədovanın şikayəti təmin olunmadı

Bakı Apelyasiya Məhkəməsində həbsdə olan sabiq deputat Gülər Əhmədovanın barəsində Səbail rayon Məhkəməsi tərəfindən seçilmiş həbs-qətimkan tədbiri haqqında qərardan verilən apelyasiya şikayətini təmin etməyib. Gülər Əhmədovanın vəkili Eldar Qədimi Lent.az-a bildirib ki, bu gün səhər məhkəmə iclasında apelyasiya şikayətinə baxılıb. Lakin apelyasiya şikayəti təmin olunmayıb.

E.Qədimi onu da bildirib ki, G.Əhmədovaya qarşı Cinayət Məcəlləsinin 307-ci maddəsi ilə elan edilmiş ittihamla bağlı da məhkəməyə vəsatət verəcək.

Qeyd edək ki, G. Əhmədova Cinayət Məcəlləsinin 178.3.2 və 307.2-ci maddələrində nəzərdə tutulan cinayət əməlini törətməkdə təqsirləndirilən şəxs qismində cəlb edilərək barəsində məhkəmənin qərarı ilə həbs-qətimkan tədbiri seçilib. Həmin qərardan isə apelyasiya şikayəti verilərək, qərarın ləğv olunması istənilib.