Gəncədə yol-nəqliyyat hadisəsi baş verib.
APA-nın yerli bürosu xəbər verir ki, avtoqəza Şah İsmayıl Xətai və Heydər Əliyev prospektlərinin kəsişməsində qeydə alınıb.
Belə ki, 30 yaşlı Orxan adlı sürücünün 1 saylı şəhərdaxili xətt marşrutu üzrə idarə etdiyi “Hyundai” markalı mikroavtobus “Shacman” markalı yük maşını ilə toqquşub. Nəticədə mikroavtobusun sürücüsü xəsarət alıb. Xəstəxanaya yerləşdirilən sürücünün vəziyyəti orta-ağır kimidir.
Hadisə şahidlərin sözlərinə görə, yük maşını işıqforun qırmızı işığında yolu keçərkən mikroavtobusun yoluna çıxıb. Ancaq həmin vaxt mikroavtobusda sərnişin olmayıb.
Yol qəzasının təfərrüatları araşdırılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
