Gəncədə polis özünü güllələdi - YENİLƏNİB

Gəncə sakininin yaralanması ilə bağlı hadisənin təfərrüatı məlum olub.

APA-nın yerli bürosunun xəbərinə görə, güllə yarası almış şəxsin Gəncə Şəhər Baş Polis idarəsinin Qeydiyyat və Şəxsiyyət Vəsiqəsi Şöbəsinin inspektoru, polis baş leytenantı, 36 yaşlı Vüqar Hüseynov olması müəyyənləşib.

Bildirilir ki, polis əməkdaşı odlu silahla ehtiyatsız davranıb, bu zaman qarın boşluğundan güllə yarası alıb. Xəstəxanaya yerləşdirilən yaralının vəziyyətinin ağır olduğu bildirilir.

Faktla bağlı araşdırmalara başlanıb.

18:13

Gəncə şəhərində güllələnmə hadisəsi qeydə alınıb.

APA-nın yerli bürosunun xəbərinə görə, Əhməd Cəlil küçəsində güllələnən Gəncə şəhər sakini Vüqar Hüseynov ağır vəziyyətdə xəstəxanaya yerləşdirilib.

O, yaşadığı evin qarşısında güllələnib.

Hadisə yerinə hüquq-mühafizə orqanlarının əməkdaşları cəlb olunub.

Araşdırmalara başlanılıb, hazırda hadisəni törədən şəxsin kimliyinin müəyyənləşdirilməsi istiqamətində tədbir görülür.