DİN aeroportdakı insidentlə bağlı məlumat yayıb

Daxili İşlər Nazirliyi aprelin 28-də Bakıda hava limanında baş vermiş hadisə ilə bağlı məlumat yayıb. Lent.az-ın nazirliyin saytına istinadən verdiyi məlumata görə, aprelin 28-də saat 22.35 radələrində Heydər Əliyev Beynəlxalq Hava Limanının yerli uçuşlar üçün nəzərdə tutulmuş terminalının qarşısında Bakı şəhər sakini, 1980-ci il təvəllüdlü Emil Seyidovla Babək rayon sakini, 1985-ci il təvəllüdlü Yunis Ələkbərov arasında münaqişə baş verib. Nəticədə Y.Ələkbərov xəstəxanaya yerləşdirilib.

Fakt üzrə cinayət işi başlanıb, istintaq aparılır.