Dava edib bir-birlərini bıçaqladılar

Müşfiqabad qəsəbəsində iki nəfər bıçaqlanıb. Lent.az Daxili İşlər Nazirliyinin mətbuat xidmətinə istinadən xəbər verir ki, iyulun 29-da Qaradağ rayonunun Müşfiqabad qəsəbəsində qəsəbə sakinləri Vüqar Bağırov və Ramil Mirzəyev münaqişə zəminində bir-birinə bıçaqla xəsarət yetiriblər. Onlar xəstəxanaya yerləşdirilmişlər. V.Bağırovun vəziyyəti orta-ağır, R.Mirzəyevə ilkin tibbi yardım göstərildikdən sonra buraxılıb.

Qaradağ RPİ tərəfindən araşdırma aparılır.