Çirkab sularında boğulan 4 yaşlı uşağın meyiti tapılıb

Azərbaycanda çirkli su kanalında boğularaq ölən azyaşlının meyiti tapılıb. Lent.az-ın Fövqəladə Hallar Nazirliyinin (FHN) saytına istinadən verdiyi məlumata görə, “112” qaynar telefon xəttinə daxil olmuş məlumatda Sumqayıt şəhərində çirkab su kanalında (“Sumqayıt” sularda xilasetmə məntəqəsindən, təxminən, 10 km məsafədə, nəzarət olunmayan ərazidə) 2009-cu il təvəllüdlü Mahir Eynur oğlu İsmayılovun batdığı bildirilib. Dərhal FHN-in müvafiq xilasetmə qüvvələri hadisə yerinə cəlb olunub. M.İsmayılovun cəsədi FHN-in dalğıc-xilasediciləri tərəfindən tapılaraq sudan çıxarılıb və aidiyyəti üzrə təhvil verilib.