Cəlilabadda son iki həftə ərzində üçüncü ilansancma faktı qeydə alınıb.
APA-nın cənub bürosunun məlumatına görə, hadisə mayın 16-da axşam saatlarında rayonun Soltankənd kəndində baş verib. Kənd sakini, 20 yaşlı Firuzə Əmirli evlərinin qarşısındakı həyətyanı sahədə tərəvəz toplayarkən otlar arasında gizlənən ilan qəfildən onun ayağının barmaq nahiyəsindən sancıb.
Firuzənin qışqırıq səsinə gələn yaxınları qızın ayaq nahiyəsinin tədricən şişdiyini görüb dərhal onu Cərlilabad Mərkəzi Rayon Xəstəxanasına çatdırıblar.
Burada xəstəyə lazımi tibbi yardım göstərildikdən sonra onun həyatı üçün hər hansı təhlükə aradan qaldırılıb. Hazırda həkimlərin nəzarəti altında olan F.Əmirlinin vəziyyəti qənaətbəxş qiymətləndirilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
