Birini edam edib digərini şallaqladılar

İranın Simnan vilayətində bir nəfər əhalinin gözü qarşısında edam edilib. APA-nın məlumatına görə, məhbus təcavüzdə günahlandırılaraq dara çəkilib.

Simnan şəhərinin sakini olan məhkumun yalnız ad və soyadının baş hərfləri açıqlanıb. Qərar İran Ali Məhkəməsi tərəfindən təsdiqləndikdən sonra aprelin 26-da səhər saatlarında icra edilib.

Bundan əlavə, İranın Cənubi Xorasan vilayətində bir nəfər əhalinin gözü qarşısında şallaqlanıb. Belə ki, ad və soyadının baş hərfləri açıqlanan şəxsə aprelin 26-da səhər saatlarında Bircənd şəhərinin mərkəzi meydanında 40 zərbə şallaq vurulub.