Bir neçə yanğın hadisəsi qeydə alınıb

İyunun18 -də axşam saatlarında respublikanın bir sıra rayonunda yanğın hadisəsi qeydə alınıb. APA-nın FHN-ə istinadən verdiyi xəbərə görə, Cəlilabad rayonu, Alar kəndində (rayon mərkəzindən 14 km aralı) vətəndaşa məxsus "CK-5" markalı kombaynın 2 ədəd arxa təkəri yanıb. Kombaynın qalan hissəsi yanğından mühafizə olunub. Yanğın saat 15:41-də yanğınsöndürənlər tərəfindən söndürülüb;

Füzuli rayonu, ikinci Mahmudlu kəndində (rayon mərkəzindən 10 km aralı) vətəndaşa məxsus gücü 63 kVt olan transformatorun qoruyucu açarı, çıxış kabeli 2 p.m və transformatorun ətrafında 15 kv.m sahədə quru ot yanıb. Transformator yanğından mühafizə olunub. Yanğın saat 16:31-də yanğınsöndürənlər tərəfindən söndürülüb;

Saatlı rayonu, Xanlarkənd kəndində (rayon mərkəzindən 45 km aralı) vətəndaşa məxsus Həyatyanı sahəyə yığılmış 5 ton ot bağlamasının 3 tonu yanıb. Ot bağlamasının qalan hissəsi yanğından mühafizə olunub. Yanğın saat 16:46-da yanğınsöndürənlər tərəfindən söndürülüb;

Xızı rayonu, Yaşma kəndində (rayon mərkəzindən 60 km aralı) kənd bələdiyyəsinə məxsus ərazidə 5 ha sahədə quru ot və kol-kos yanıb. Digər sahələr yanğından mühafizə olunub. Yanğın saat 17:00-da yanğınsöndürənlər tərəfindən söndürülüb;

Qobustan rayonu, Nərimankənd kəndində (rayon mərkəzindən 8 km aralı) kənd əhalisinə məxsus ərazidə 0,5 ha biçilməmiş, 1 ha biçilmiş taxıl sahələri və 0,5 ha otlaq sahə yanıb. Ərazidəki digər taxıl sahələri yanğından mühafizə olunub. Yanğın saat 17:11-də yanğınsöndürənlər tərəfindən söndürülüb;

Füzuli rayonu, Qaraxanbəyli kəndində kənd ərazisində 30 ha otlaq sahə yanıb. Yaxınlıqdakı biçilməmiş taxıl sahələri yanğından mühafizə olunub. Yanğın saat 17:24-də yanğınsöndürənlər tərəfindən söndürülüb;

Salyan rayonu, Arbatan kəndində (rayon mərkəzindən 6 km aralı) vətəndaşa məxsus Həyatyanı sahəyə yığılmış 5 ton ot bağlamasının 3 tonu yanıb. Ot bağlamasının qalan hissəsi yanğından mühafizə olunub. Yanğın saat 17:34-də yanğınsöndürənlər tərəfindən söndürülüb;

Bakı şəhəri, Qaradağ rayonunda dağlıq ərazidə 5 ha sahədə quru ot yanıb. Yaxınlıqdakı neft buruqları yanğından mühafizə olunub. Yanğın saat 20:50-də yanğınsöndürənlər tərəfindən söndürülüb.