Bərdədə maşın piyadanı vuraraq öldürdü

Bərdədə piyada ölümü ilə nəticələnən yol qəzası baş verib.

APA-nın Qarabağ müxbiri xəbər verir ki, hadisə Bərdə şəhərinin Koroğlu küçəsində qeydə alınıb.

Namiq Qarayevin idarə etdiyi 99 XA 936 dövlət nömrə nişanlı "Ford" markalı mikroavtobus qarşısına çıxan piyada, Qubadlı rayonundan məcburi köçkün olan 1963-cü il təvəllüdlü Atlıxanlı Sevgili Bayram qızını vurub. Mikroavtobusun ön hissəsinə zərblə çırpılan qadın hadisə yerində keçinib.

Meyit müayinə olunmaq üçün Məhkəmə Tibbi Ekspertiza və Pataloji Anatomiya Birliyinin Bərdə rayon şöbəsinə aparılıb. Bərdə rayon Polis Şöbəsinin əməkdaşları faktla bağlı araşdırmalarını davam etdirir.