Bakı şəhər Baş Polis İdarəsi Xətai rayonu ərazisində törədilmiş qətl hadisəsi ilə bağlı məlumat yayıb. Lent.az-ın idarənin mətbuat xidmətinə istinadən verdiyi məlumata görə, aprelin 7-si saat 10 radələrində Qədirli küçəsində yaşayan Bəsti Mirzəyeva evdən çıxıb və bir daha geri qayıtmayıb. DİN BCAİ, Bakı şəhər BPİ CAİ, KTŞ, Yasamal RPİ CAŞ və Xətai RPİ CAŞ əməkdaşlarının keçirdikləri əməliyyat tədbirləri nəticəsində itkin düşmüş B.Mirzəyevanın meyiti Xətai rayonu Ş.Səmədov küçəsində inşa olunmuş yarımtiilidə basdırılmış vəziyyətdə aşkar edilib. Araşdırma zamanı müəyyən edilib ki, B.Mirzəyevanı aprelin 11-də Göyçay rayon sakini Sübhan Məmmədov kirayədə yaşadığı Ş.Səmədov küçəsindəki evdə mələfə ilə boğaraq qətlə yetirib.
Qətldə şübhəli bilinən S.Məmmədov polis tərəfindən yaxalanıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
