Bu gün Bakının Sabunçu rayonunda, Bakıxanov qəsəbəsində parkda baş vermiş yanğın söndürülüb. Sabunçu rayon Dövlət Yanğından Mühafizə Hissəsindən Lent.az-a bildirilib ki, tullantıların toplandığı ərazidə başlayan yanğın ağaclara da keçib və ümumilikdə 70 kvadrat metr ərazini əhatə edir. Hadisə vaxtı 15 iri şam ağacı tamamilə yanıb.
Yanğının səbəbləri araşdırılır.
*****
13:57
Bakının Sabunçu rayonu ərazisində yerləşən parklardan birində yanğın başlayıb. Hadisə şahidlərinin Lent.az-a verdiyi məlumata görə, metronun "Neftçilər" stansiyasından Bakıxanov qəsəbəsinə gedən yolun kənarında, Sabunçu rayon İcra Hakimiyyəti və doğum evinin yaxınlığındakı parkda ağaclar yanmağa başlayıb. Xeyli ağacı bürüyən yanğını söndürmək üçün 3 yanğınsöndürən maşın hadisə yerinə cəlb edilib.
Sabunçu rayon Yanğından Mühafizə Hissəsindən Lent.az-a bildirilib ki, alov 60 kvadrat metr sahəni əhatə edir və yanğının söndürülməsi üçün tədbirlər görülür.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
