Bakı şəhərinin Səbail rayonu ərazisində silahlı şəxs saxlanılıb. Rayon Polis İdarəsindən Lent.az-a verilən məlumata görə, avqustun 4-də saat 04 radələrində polis əməkdaşlarının diqqətini cəlb edilən Əmiraslanov Vüsal Həsən oğlu saxlanılıb. Onun üzərinə baxış keçirilib və bir ədəd “Makarov” markalı tapança və güllələr aşkar edilərək götürülüb.
Bundan başqa Nizami RPİ CAŞ əməkdaşlarının keçirdikləri əməliyyat tədbirləri nəticəsində avqustun 4-ü saat 01:50 radələrində Çobanzadə və Rüstəmov küçələrinin kəsişməsində Şəmkir rayon sakini Mirismayıl Heydərovun idarə etdiyi “VAZ-21015” markalı avtomobil saxlanılıb. Avtomobilə baxış keçirilərkən oradan M.Heydərova məxsus «Kalaşnikov» markalı avtomat, 2 ədəd sandıqça və 57 ədəd 5,45 kalibirli patron aşkar olunaraq götürülüb.
Hər iki faktla əlaqədar araşdırmalar aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
