Bakıda silsilə oğurluqlar törətmiş 13 yaşlı oğlan tutulub

Bakıda xeyli oğurluq əməlinin iştirakçısı olan şəxs tutulub. Bakı şəhər Baş Polis İdarəsindən Lent.az-a verilən məlumata görə, bu il martın 1-də Binə qəsəbəsi Ə İsazadə küçəsində Hamlet Ağayevə məxsus mağazadan mobil telefonu və içərisində 500 manat olan pul kisəsi, martın 22-də Mərdəkan qəsəbəsində yerləşən mağazada, orada işləyən Aybəniz Qədimovanın içərisində 325 manat, 1 ədəd boyunbağı və 2 ədəd üzük olan pul qabı, aprelin 7-də Binə qəsəbəsi südçülük sovxozunda Xalıd Qafarova məxsus mağazadan, plastik qapını sıxıb açmaqla 280 manat, ərzaq malları və danışıq kartları, aprelin 27-nə keçən gecə, Cəmşid Pənahova məxsus Mərdəkan qəsəbəsi R.Qasımov küçəsində yerləşən mağazadan, qapının kilidini sındırmaq yolu ilə 288 manat və tütün məmulatları, iyunun 24-nə keçən gecə isə Bahadur Abdullayevə məxsus Hüseynov küçəsində yerləşən mağazadan, plastik qapını açma yolu ilə pul, ət mağazasının qarşısından isə bir baş iri buynuzlu heyvan oğurlanılıb.

Hadisələri törədən 2001-ci il təvəllüdlü Ruslan Qurbanov tutulub.