Bakıda 39 yaşlı qadının qətli ilə bağlı bəzi məqamlar aydınlaşıb. Lent.az-ın vesti.az-a istinadən verdiyi məlumata görə, mayın 1-ə keçən gecə Binəqədi rayonun ərazisindəki gecə klublarından birində Rusiya vətəndaşı Asxadova Maya Kamil qızı amansızlıqla döyülüb. Bildirilir ki, səhər saat 6-da çeçen əsilli Maya Asxadova Səttar Bəhlulzadə küçəsində yerləşən “Ozan” kafe-bardan müxtəlif dərəcəli bədən xəsarətləri ilə Kliniki Tibbi Mərkəzə gətirilib. Həkimlərin səyinə baxmayaraq o, gecə 23:45-də aldığı travmalardan keçinib.
İstintaq nəticəsində məlum olub ki, Rusiya vətəndaşını döyən şəxs Naxçıvanın Babək rayon sakini, 50 yaşlı Sadiq Süleymanovdur.
Hadisənin hansı səbəbdən baş verdiyi hələlik məlum deyil, başlanmış cinayət işinə uyğun araşdırmalar davam etdirilir.
*****
12:54
Bakıda 39 yaşlı qadın döyülərək qətlə yetirilib.
Binəqədi Rayon Polis İdarəsindən APA-ya verilən məlumata görə, hadisə rayonun Səttar Bəhlulzadə küçəsi 4 ünvanında qeydə alınıb.
Rusiya Federasiyası vətəndaşı, 1975-ci il təvəllüdlü Asxadova Maya Kominova çənə sümüyünün sınığı ilə xəstəxanaya yerləşdirilsə də, orada ölüb.
Polis əməkdaşlarının keçirdikləri əməliyyat axtarış tədbirləri nəticəsində 39 yaşlı qadını döyərək öldürən Sadiq Süleymanov şübhəli şəxs qismində tutulub.
Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
