Bakıda qadınları soyan şəxs yaxalandı

Bakıda qadınlara qarşı soyğunçuluq əməli törətmiş şəxs tutulub. Lent.az Daxili İşlər Nazirliyinə istinadən xəbər verir ki, Yasamal RPİ 29-cu PB əməkdaşlarının həyata keçirdikləri əməliyyat-axtarış tədbirləri nəticəsində Bakı şəhər sakini, əvvəllər məhkum olunmuş Azər Misdimovdan 0,168 qram heroin götürülüb. Ətrafında aparılmış əməliyyat tədbirləri ilə onun paytaxt sakinləri Səbinə Heydərovaya, Elmira İsgəndərovaya, Gülnar İbadlıya və Günəş Əhmədovaya məxsus çantalardan pul, mobil telefon və sənədlər oğurlaması da müəyyən edilib.

Araşdırma davam etdirilir.