Dekabrın 28-nə keçən gecə Bakı şəhərinin Xəzər rayonu ərazisində vəhşi heyvanı maşın vurub. Lent.az-ın məlumatına görə, Buzovna-Bilgəh yolunda, Zağulba qəsəbəsi ərazisində naməlum avtomobil dələni vurub. Ölmüş heyvanın cəsədi yol kənarına düşüb və daha sonra Xəzər MKTB işçiləri tərəfindən götürülüb.
Qeyd edək ki, Bakının bu hissəsində dələlərin sayı çoxdur. İstirahət mərkəzlərinin, sanatoriyaların və digər yaşıllıq sahələrindəki iynəyarpaqlı ağaclarda dələlərə tez-tez rast gəlinir.
Onu da qeyd edək ki, yollarda heyvanların vurulması hadisələri tez-tez baş verir. Səbəb isə heyvanların gözünə güclü işıq dalğaları düşərkən həmin canlıların şoka düşməsi və hərəkət edə bilməməsidir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
