Bakıda körpünün üstündə avtomobil yandı

Bu gün Bakıda avtomobil yanıb. Lent.az-ın Fövqəladə Hallar Nazirliyinin saytına istinadən verdiyi məlumata görə, Suraxanı rayonunda vətəndaşa məxsus "Oka" markalı minik avtomobilinin mühərrik və salon hissəsi yanıb. Avtomobilin qalan hissəsi yanğından mühafizə olunub. Yanğın saat 10:11-də yanğınsöndürənlər tərəfindən söndürülüb.

Qeyd edək ki, hadisə konkret olaraq Bakıxanov qəsəbəsi yaxınlığındakı körpünün üstündə baş verib.