Bakıda hərbi təlim keçiriləcək

Bakıda Silahlı Qüvvələrin taborunun NATO qiymətləndirməsi üzrə təlimi keçiriləcək. Bu barədə Lent.az-a Müdafiə nazirliyindən məlumat verilib. Mayın 5-dən 8-dək davam edəcək təlimlərin məqsədi Azərbaycan Respublikası Silahlı Qüvvələrinin motoatıcı taborunun 2-ci səviyyəli NATO qiymətləndirməsidir. Azərbaycan 2004-cü ilin aprel ayından NATO-nun ƏİK proqramına qoşulub.

Azərbaycan Silahlı Qüvvələri ƏİK proqramı çərçivəsində Ortaq Qüvvələr Birliyinə bir yüngül motoatıcı bölüyü təqdim edib, 2010-cu ilin avqust ayından isə tabor yaradılıb.