Bakıda avtomobil sexində yanğın

Bu gün Bakıda "TOFAŞ" markalı minik avtomobil yanıb, ev sahibi yüngül xəsarət alıb. Lent.az-ın Fövqəladə Hallar Nazirliyinin rəsmi saytına istinadən məlumatına görə, yanğın Suraxanı rayonunda vətəndaşa məxsus ikimərtəbəli 5 otaqlı fərdi yaşayış evinin 1-ci mərtəbəsində avtomobil təmiri sexi kimi fəaliyyət göstərən sexdə baş verib. Təmirə dayanmış avtomobilinin salonu yanıb. Avtomobilin qalan hissəsi, sex və yaşayış evi yanğından mühafizə olunub.