Bakıda avtobusun vurduğu velosipedçi öldü

Bakıda ölümlə nəticələnən yol-nəqliyyat hadisəsi baş verib. Lent.az-ın Daxili İşlər Nazirliyinin mətbuat xidmətinə istinadən verdiyi məlumata görə, mayın 2-də Qaradağ rayonu Lökbatan qəsəbəsinin ərazisində Bakı şəhər sakini Andrey Rəcəbov idarə etdiyi “İsuzu” markalı avtobusla velosiped sürən qəsəbə sakini Elçin Fərmanovu vurub. Xəstəxanaya yerləşdirilmiş E.Fərmanov mayın 6-da orada keçinib.

Faktla bağlı Qaradağ RPİ tərəfindən araşdırma aparılır.