Bakıda 44 yaşlı kişini bıçaqlayan şəxsə <span style="color:red;">5 il həbs
24 dekabr 2014 16:39 (UTC +04:00)

Bakıda 44 yaşlı kişini bıçaqlayan şəxsə 5 il həbs

Bu gün Bakı Ağır Cinayətlər Məhkəməsində qəsdən sağlamlığa zərər vurmaqda təqsirli bilinən Kürdəmir rayon sakini, 1984-cü il təvəllüdlü Əlipaşa Məmmədovun cinayət işi üzrə məhkəmə prosesi başa çatıb. Lent.az-ın məlumatına görə, hakim Əlövsət Abbasovun sədrliyi ilə keçirilən prosesdə hökm oxunub. Hakimlər kollegiyasının qərarı ilə Ə. Məmmədov 5 il müddətinə azadlıqdan məhrumetmə cəzasına məhkum edilib.

Qeyd edək ki, məlum olay bu il iyulun 8-də Şərifzadə küçəsində qeydə alınıb. Abşeron rayon sakini, 1970-ci il təvəllüdlü Elbrus Səfərov yaralı vəziyyətdə Klinik Tibbi Mərkəzə gətirilib. Yasamal rayon Polis İdarəsinin 29-cu Polis Bölməsi əməkdaşlarının keçirdikləri əməliyyat tədbirləri nəticəsində cinayətdə şübhəli bilinən 44 yaşlı Elbrus Səfərovu bıçaqlamaqda şübhəli bilinən Kürdəmir rayon sakini, 1984-cü il təvəllüdlü Əlipaşa Məmmədov tutulub.

 

# 120
avatar

Səlcuq Elçin

Oxşar yazılar