Fövqəladə Hallar Nazirliyi Nərimanov rayonunda köməksiz vəziyyətdə qalan fəhlələrlə bağlı məlumat yayıb. Lent.az-ın nazirliyinin saytına istinadən məlumatına görə, Nərimanov rayonunda 3 nəfərin köməksiz vəziyyətdə qalması barədə məlumat daxil olub. FHN-nin xilasetmə qüvvələri hadisə yerinə cəlb olunub. Xilasedicilər əməliyyat şəraitini qiymətləndirərkən məlum olub ki, onlar sökülməkdə olan təqribən 75 metr hündürlüyündə dəmir-beton konstruksiyalı borunun üzərində köməksiz vəziyyətdə qalıblar. Xilasedicilər təhlükəsizlik qaydalarına riayət etməklə vətəndaşları aşağı endirərək xilas ediblər.
***
13:33
Bakıda üç nəfər təhlükəli vəziyyətlə üz-üzə qalıb.
APA-nın məlumatına görə, hadisə Baksol yolunda, Bakı Biskvit Zavodunun yaxınlığında yerləşən istifadəsiz istixana binasında qeydə alınıb. İstixananın 85 metr hündürlüyündəki tüstü borusunu sökmək üçün ora çıxan 3 fəhlə nərdivanın qırılması nəticəsində çıxılmaz vəziyyətə düşüb.
APA ölüm təhlükəsi ilə üzləşən fəhlələrin adlarını da əldə edib. Onlar - 1989-cu il təvəllüdlü Axundov Telman Əliyusif oğlu, onun qardaşı 1995-ci il təvəllüdlü Şamo Axundov və 1993-cü il təvəllüdlü Cəbrayılov Elton Əlibala oğludur.
Hadisə yerinə Fövqəladə Hallar Nazirliyinin xilasediciləri cəlb olunub. Hazırda həmin fəhlələrin xilas olunması istiqamətində tədbirlər davam etdirilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
