Bakıda 2 nəfər hamamda çıxılmaz vəziyyətə düşdü

Bu gün Bakıda 2 nəfərin mənzildə köməksiz vəziyyətdə qalması barədə Fövqəladə Hallar Nazirliyinin “112” qaynar telefon xəttinə məlumat daxil olub. Lent.az-ın nazirliyin saytına istinadən verdiyi məlumata görə, Nizami rayonunda qapının təsadüfən kilidlənməsi nəticəsində 2 nəfər hamam otağında köməksiz vəziyyətdə qalıb. Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunub.

Xilasedicilər doqquzmərtəbəli yaşayış binasının sonuncu mərtəbəsində yerləşən həmin mənzilin hamam otağının qapısını xüsusi alət və avadanlıqlar vasitəsilə açıb. Bununla da, xilasedicilər tərəfindən vətəndaşlara müvafiq köməklik göstərilib.

Əməliyyat saat 13:47-də başa çatıb.