Bakıda 15 yaşlı oğlana qarşı cinayət

Bakı şəhərinin Nəsimi rayonu ərazisində yeniyetməyə qarşı quldurluq hadisəsi baş verib. Rayon Polis İdarəsindən Lent.az-a verilən məlumata görə, rayon ərazisində naməlum şəxs 15 yaşlı Seyidov Yusif Nazim oğluna hücum edib. Yeniyetmənin mobil telefonunu və 20 manat pulunu götürən şəxs hadisə yerindən qaçıb.

Faktla əlaqədar araşdırmalar aparılır. Quldurluq əməlini törətmiş şəxsin yaxalanması istiqamətində iş aparılır.