Bakı yaxınlığında dəhşətli qəza: ölənlər var - YENİLƏNİB

Daxili İşlər Nazirliyi Bakı-Sumqayıt yolunda baş vermiş dəhşətli yol qəzası ilə bağlı məlumat yayıb.

Lent.az-ın nazirliyin mətbuat xidmətinə istinadən verdiyi məlumata görə, mayın 5-də saat 21 radələrində Abşeron rayonu Saray qəsəbəsinin ərazisində Babək rayon sakini Elnur Bayramov idarə etdiyi “Pajero” markalı avtomobili yolun kənarındakı ağaca vurub. E.Bayramovun sərnişinləri Sumqayıt şəhər sakinləri Elxan Verdiyev, Kazım Kazımov və Samir Qubadov xəstəxanaya yerləşdirilib, K.Kazımov və E.Verdiyev orada ölüb.

BDYPİ tərəfindən araşdırma aparılır.

*****

10:09

Bakı-Quba yolunda 2 nəfərin ölümü ilə nəticələnən yol qəzası baş verib. Baş Dövlət Yol Polisi İdarəsindən Lent.az-a verilən məlumata görə, Saray qəsəbəsi yaxınlığında "Mitsubishi İO" markalı minik avtomobili maneəyə çırpılıb. Zərbənin gücündən avtomobil aşıb.

Hadisə nəticəsində iki nəfər yerindəcə keçinib. Daha bir nəfər isə ağır vəziyyətdə xəstəxanaya aparılıb.

Faktla bağlı BDYPİ-nin İstintaq şöbəsində cinayət işi açılıb, araşdırmalar aparılır.